Риболовен ревир “АКУМУЛАЦИЈА КОЗЈАК” го опфаќа: Водната површина од вливот на реките, Беличка и Треска во “Акумулацијата Козјак”, се до ѕидот на истата од лева и десна страна се до Браната, без деловите заливите кои припаѓаат на ЈПУЗПП “Јасен”. На компанијата и е дадена концесија за риболов и за други употреби на езерото Козјак со Одлука на Влада 19-4617/1 од 26 декември, 2005 (Сл. Весник бр. 117/05).
ЈПУЗПП “ЈАСЕН“- Скопје од 15.02.2018 започна со продажба на еднодневни, седумдневни, петнаесетдневни и годишни риболовни дозволи за рекреативен риболов на акумулацијата Козјак. Риболовните дозволи можат да се купат во дирекцијата на ЈПУЗПП “ЈАСЕН“- Скопје на ул. 11-ти Октомври бр. 23а или на м.в Коломот.
Постапка во случај на загадување на води, околина или помор на риби: Со оглед дека рекреативните риболовци се први и непосредно на терен, при евентуални промени како што се помор, невообичаено однесување на риби, загадување на водата со промена на нејзиниот квалитет и слично, веднаш се должни да алармираат на следните телефони и институции. ЈПУЗПП “ЈАСЕН” 02/3115016 Рибочуварска служба 075 389096 Државен инспекторат за земјоделство 080011000